എനിക്ക് ചുറ്റും വെളളം നിറഞ്ഞിരിക്കുന്നു അതിൽ ഞാൻ നീന്തുകയാണ് കണ്ണുകൾ തുറക്കാൻ സാധിക്കുന്നില്ല
പക്ഷെ കണ്ണുകൾ തുറക്കണമെന്ന് തോനുന്നു
എൻറ വയറ്റിൽ ഒരു കയറു കെട്ടിയത് പോലെ ഞാനതിൽ തൂങ്ങിയടുകയാണ്
ഇവിടം മുഴുവനും മൂകതയാണ് ഒരു ശബ്ദവും കേൾക്കാനില്ല ഒരുപാട് നാളായി ഒരേ ഒരു ശബ്ദമേ കേൾക്കാൻ സാധിക്കുന്നുള്ളൂ ഒരു ഹൃദയത്തിൻറ മിടിപ്പ്
എന്നെ ആരോ തൊടുന്നത് പോലെ എന്നോട് സംസാരിക്കുനത് പോലെ എനിക്ക് തോനാറുണ്ട്
ആ സ്പർശനവും സംസാരവും എനിക്ക് ഒത്തിരിസുഘവും സുഖവും സന്തോഷവും തോനുന്നതായിരുന്നു
അതിനു മറുപടി പറയാൻ ശ്രമിക്കാറുണ്ട് ഞാൻ
എൻറ
കയ്യും കാലും അനക്കി
പിന്നെ എനിക്ക് വേറ ഒരു സ്വരവും കേള്ക്കാം വല്ലപ്പോഴും
പക്ഷെ അത് കുറച്ചു കൂടി ഗൗരവം ഉളള ശബ്ദമായിരുന്നു
എത്ര ശബ്ദകലങ്ങൾ എനിക്ക് കേട്ടാലും
ഇപ്പോഴും മാറാതെ ഒരു മാറ്റവുമില്ലാതിരുന്നത് ആ ഹൃദയമിടിപ്പിനായിരുന്നു
തീർച്ചയായും ഒരു ദിവസം ആ ഹൃദയമിടിപ്പ് എവിടെ നിന്നു വരുന്നു വെന്ന് എനിക്ക് കാണണം
എന്താണെന്നറിയില്ല രെണ്ട്‌ മൂന്ന് ദിവസമായി തോനുന്നു ഇവിടെ നിന്നും പുറത്തേക്കു പോകാൻ
കയ്യും കാലും ഇളക്കി നോക്കി ഒരുപാടു ശ്രമിച്ചിട്ടും പറ്റുന്നില്ല
അവസാനം ഒരു ദിവസം ഞാനിരുന്ന സ്ഥാനം മാറിതുടങ്ങി
ഞാൻ അവിടെ നിന്നും പതുക്കെ നീന്തി തുടങ്ങി
ഞാൻ തലകീഴായി കിടക്കാൻ തുടങ്ങി
ആ ഹൃദയമിടിപ്പിൻറ താളം കുറേശ്ശെ ഇല്ലാതായി തുടങ്ങിയിരിക്കുന്നു
എൻറ ലോകത്തു നിന്നും വേറ എവിടെക്കോപോവുകയണന്നു എനിക്ക് ഭയം തോനി തുടങ്ങി
എനിക്ക് സന്തോഷം തന്ന ആ സ്വരം ഇപ്പോൾ വേദനയിൽ നിലവിളിക്കുന്നു
എന്തോ ഒരു സങ്കടം തോനി
എല്ലാം ഞാൻ കാരണമാണ്
ഞാൻ കയ്യും കാലും കൊണ്ട് ചവിട്ടുകയും അനക്കുകയും ചെയ്തത് കൊണ്ടാവും
പെട്ടെന്ന് ഞാൻ നീന്തി കൊണ്ടിരുന്ന
വെളളം നിറഞ്ഞ കുടത്തിൽ ഓട്ടകൾ വീണു
വെളളത്തിൻറ കൂടെ ഞാനും എങ്ങോട്ടോ ഒലിച്ചു പോകുന്നു
ഇടയിൽ എവിടെയോ തടഞ്ഞു നില്കുന്നു
ആരോ എൻറ തലയിൽ പിടിച്ചു വലിക്കുന്നു
അതെ സമയത്ത് ആ സ്വരവും ജീവൻ പോകുന്നത് പോലെ നിലവിളിക്കുന്നു
എനിക്കും വേദനിക്കുന്നു
ഒരു വിദത്തിൽ വെളിയിൽ വന്നു വീണു
എനിക്കും ആ ലോകത്തിനും ഉണ്ടായിരുന്ന അവസാന ബന്ധത്തിൻറ
വള്ളിയും അറുത്തു കളയുന്നു
ഇത്രയും നാൾ കേട്ടുകൊണ്ടിരുന്ന ഹൃദയതിൻറ താളവും കേള്ക്കാനില്ല നിലവിളിച്ചു കൊണ്ടിരുന്ന ആ ശബ്ദവും ഇപ്പോൾ കേള്ക്കാനില്ല
ആ ശബ്ദവും കേൾക്കാതായപ്പോൾ
അതെനിക്ക് സഹിക്കാൻ വയ്യാതായി
ആദ്യമായിട്ട് ഞാൻ വായ്തുറന്നു
ഉറക്കെ കരഞ്ഞു
എന്റ ചുറ്റിലുമുളളവർ ചിരിക്കുന്നു
ആപ്പോഴെനിക്ക് തോനി ഇത് ഒരു
നാണം കെട്ട ലൊകമാണെന്നു
തണുത്ത വെളളത്തിൽ എന്നെ കുളിപ്പിക്കുന്നു അപ്പോഴും ഞാൻ കരയുന്നു
ഒരു തുണിയിൽ ചുറ്റി എല്ലാവരെയും കൊണ്ടുപോയി കാണിക്കുന്നു എന്നെ
എൻറ വയടറ്റിനു താഴെ എന്തോ നോക്കി എല്ലാരും ചിരിക്കുന്നു
എന്നാലും ഞാൻ കരയുന്നു
ആ ഹൃദയത്തിൻറ മിടിപ്പും പതുക്കെയുളള സ്വരവും ഇപ്പോൾ കേള്ക്കാൻ സാധിക്കുന്നില്ല
എന്നെ കൊണ്ടുപോയി ആരുടെയോ അടുത്ത് കിടത്തി
അപ്പോഴേക്കും എൻറ കരച്ചിൽ നിലച്ചിരുന്നു
കാരണം ഇപ്പോൾ എനിക്ക് കേൾക്കാമായിരുന്നു ആ മാധുര്യമേറിയ സ്വരം
കൈകൾ കൊണ്ടെന്നെ മെല്ലെ തഴുകാൻ തുടങ്ങി
അതെ എന്റ ലോകത്തിരുന്നു ഞാനറിഞ്ഞ അതേ സ്പർശം
ഇതാരാണെന്ന് എനിക്കറിയണം
പക്ഷെ കയ്യും കാലും മാത്രമേ ചലിപ്പിക്കാൻ സാധിക്കുന്നുള്ളൂ
എങ്ങനെയും എനിക്കാ മുഖം കാണണമെന്നു ആശിച്ച സമയത്ത്
രെണ്ടു കൈകൾ എന്നെ വാരിയെടുക്കുന്നു
തൻറ മുഖത്തിനു നേറായി കൊണ്ടുവന്നു
മരണത്തിനടുത്തുവരെ പോയി വന്ന വേദനക്കു നടുവിലും
സന്തോഷം നിറഞ്ഞ പുഞ്ചിരി ആ മുഖം നിറയെ
എനിക്ക് മന്നസ്സിലായി ഇതാണെൻറ
അമ്മ
എന്നാലും എന്തിനോ വേണ്ടി
ഞാൻ കരഞ്ഞുകൊണ്ടേയിരുന്നു
ഞാൻ കരയുമ്പോൾ എൻറ അമ്മ
ചിരിച്ചുകൊണ്ടിരിക്കുന്നു
എനിക്ക് ദേഷ്യം വന്നു തുടങ്ങി
പക്ഷെ എനിക്കപ്പോൾ അറിയില്ലായിരുന്നു
എൻറ മൊത്ത ജീവിതത്തിലും ഞാൻ കരയുന്നത് കണ്ട് എന്റ അമ്മ ചിരിക്കുന്ന ഒരൊറ്റ ദിവസമേ ഉള്ളൂ
അതിതാണെന്ന്.
